VISO-mi immikkoortortaqarfik Barnets lov-imi § 171 tunngavigalugu pilersinneqarpoq, inatsillu taanna 1. maj 2025-mi atuutilerluni.
Immikkoortortaqarfimmi sulisut tassaapput isumaginninnermut tunngasunik suliaqartut, soorlu isumaginninnermi siunnersortit tarnip pissusaanik ilisimasallillu tassunga tunngatillugu misilittagaqarluartut. Meeqqat, inuusuttuaqqat inersimasullu pillugit sulianik suliarinninnermut misissuinernullu tunngatillugu ilisimasagissaartuupput. Sulisut ilaat kalaallinik tunuliaqutaqarput, allallu qallunaatut tunuliaqutaqarlutik, Kalaallit Nunaanni ukiuni arlalinni sulinermikkut kalaallit oqaasiinik piorsarsimassusianillu ilisimasagissaarlutik.
Immikkoortortaqarfik Odensimi VISO-mi sulisunit kiisalu namminersorlutik sulisut immikkut ilisimasallit suleqatigalugit inuttaqarpoq.
Odensimi sulisut saaffiginnissutinik tigusisarput aammalu oqarasuaatikkut nalinginnaasumik siunnersuisarlutik. Aamma suliat sorliit immikkoortortaqarfimmut tulluunnerat nalilersortarpaat, inissiinermullu tunngasunik suliat ingerlasut misissortarlugit, taakkunani misissuutit atorneqarsimappata. Immikkut ilisimasallit meeqqanik, inuusuttunik inersimasunillu qulaajaasarput misissuutit aalajangersimasut atornagit aammalu kommuninut innuttaasunullu piffissami sivisunerusumi siunnersuisarput.
Ataatsimiinnerni nalinginnaasumik oqalutsi peqataasarpoq, aamma allagaatit pisariaqartitsineq naapertorlugu nutserneqartarlutik. Tamanna isumaqarpoq ataatsimiinnerni oqallisigineqartut aammalu allagaataanni allassimasut tamarmik nutserneqarnissaat pillugu ikiuuttartugut.
Immikkoortortaqarfik innuttaasunit kommuninillu suliat misissorneqarnissaat aamma VISO-mi qulaajaaneq pillugu ingerlaavartumik saaffigineqartarpoq.
Immikkoortortaqarfiup sulineranut tunngatillugu maannakkut ukuupput:
- Oqarasuaatikkut saaffiginnissutit
- VISO-mi qulaajaanerit
- Suliat misissorneqartussat